استيقظ يا اخي احنا زهقنا بقي

للي حاولو يقتلو فينا الكلام
ألف مبروك نجحتو وكل حاجة تمام التمام
منعتونا من الكلام
عشان بيعيشنا ف الأوهام

قولتولنا امشو جمب الحيط
اصل السياسة كلها زيط
وادينا ماشيين جوة الحيط
وبرضه الدنيا كلها خلطبيط

وبما ان حضارتكو الي عارفين
واحنا البهايم اللي مش فاهمين
يبقى لازم نسمع كلامكو ونبقى مؤدبين
والا الويل الويل للي تطرفله عين

وبما انكو شايفنا حمير
حرمتو علينا حتى مجرد التفكير
أصله بيعمل حاجات وحشة كتير
وممكن يعمل تغيير واحنا بنخاف من التغيير

بس لازم أقولكو احنا مش ساكتين
وهنعمل زي محنا عايزين
وابقو سلمولي ع النايمين
ولا حتى الصحيانين اللي مش فاهمين

استحالة ان احنا نبطل تفكير
اصل احنا للأسف مش حمير
والدنيا تبقى حمضانة من غير تغيير
فوقو بقى وسبكو من التفكير

خلاصة اللي أنا عايز أقوله
ان اللي ف بالك عمرك مهتطوله
أصل احنا خلاص عرفنا الفولة
وللأسف متتبلش ف بقنا فولة

كلمات حلو ه اوي
ميرسي

شكرا لعبورك قنواتي يا توتا يا عسل انت