خروف بيسأل خروف "مر عيدين ومذبوحكيش ليه؟" قال اصل انا متسجل في شهاده الميلاد حمار
مره صرصار طلع من الخلاط قال يخرب بيت إللى يدخل الملاهى تانى
قرد ودانة اتقطعت بص فى المراية قال يا خسارة الحلو ميكملش
مرة فار راجع بيتهم مسطول فتعب في السكه فنام تحت الرصيف شافته القطه قالت اروح اكله وهى بتعدي ريحاله خبطتها عربيه فماتت جنب الفار ولما الفار صحى ولقي القطه ميته جنبه قال الله يخرب بيت الخمره اللي بتخليني اموت في مخاليق ربنا
مره واحده حامل ابنها الصغير بيسألها: ايه اللي في بطنك ده يا ماما قالت له : ده أخوك يا حبيبي ... تاني يوم وهوه في المدرسه المدرس سأله : انت عندك اخوات؟ قال له: كان عندي واحد بس ماما كلته.
مره طالبة مشاغبة المدرس اشتكاها للمدير المدير بعتلها قال لها "عملتى ايه؟" قالت له ولا حاجة رميت وردة من الشباك" قال "بس كدة؟" قالت له "اه" بعد شوية لقى طالبة مدغدغة ومكسرة سألها "ايه الى عمل فيكى كةه؟" قالت له "انا وردة اللى اترميت من الشباك."
ولد بيقول لابوه عايز2جنية علشان رايح عند محمدين فقال الاب تاخد جنية وتروح عند محمد
واحد فشار اوي جاله واحد صحبه قعد يقوله امبارح جالي ابو لهب و حنظله و كنا بنتغدا مع بعض قاله يا عم انت هتشتغلني قاله و هشتغلك ليه امبارح كنا على طرابيزه واحده صحبه كان هيتجنن المهم نزل من عنده لقى ابن الراجل قاله صحيح الكلام ده قاله كلام ايه يا عمو قاله ابوك امبارح جاله ابو لهب و حنظله وكانو بيتغدو مع بعض؟ قاله بصراحه يا عمو مش عارف بس انا امبارح لقيت موكب من كام ناقه كده وكان مكتوب عليهم ملاكي قريش
مرة واحد غبي راح للدكتور علشان يكشف علي ابنه.. الدكتور دخل مع الواد اوضة الكشف.. و بعدها بربع ساعة طلع الدكتور و فال للراجل ابنك مات.. راح طلع الواد الصغير و قال لابوه.... بابا بابا انا لس مامتش يابا.. راح ابوه قاله اسكت يا ولد انت هتعرف اكتر من الدكتور
مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض
مرة اتنين اصحاب بيقولو لبعض تصدق انا الخدام بتاعى غبى اوى فالتانى قال له: لا ده انا الخدام بتاعى اغبى فقال له الاولانى تعالى نشوف فجه الاول ونادى الخدام بتاعه وقالوه خد الربع جنيه ده وروح اشترى ليه عربيه مرسيدس والتانى نادى الخدام بتاعه وقال له روح النادى وشوفنى هناك ولا لآ فراحوا الخدامين و اتقابلوا فى السكه فواحد منهم قال للتانى تصدق الراجل اللى انا بشتغل عنده غبى اوى تصور بعتنى اشتري له عربيه و ما يعرفش ان النهارده الحد والمحلات قافلة فالتانى قال له لا ده انا بشتغل عند واحد اغبى من بتاعك تصور بعتنى النادى اشوفه هناك يعنى مش قادر يرفع سماعة التليفون و يسأل على نفسه
مره واحد راح السرك وقرر انه يعمل حاجه مختلفه راح جاب نمله وقعد يدربها10 سنين علشان تقف على رجل واحده فراح رايح لولد صغير فى الشارع وقاله بص يا حبيبى النمله دى بتقف على رجل واحده فراح الولد مسك النمله وفعصها وقاله ايه ده يا عمو دى نمله فقرر انه يعيد التجربه وقال عيال صغيره ايه انا هاروح لولد كبير جاب نمله تانى ودربها 10 سنين وراح لواحد كبير فى الشارع وقاله بص النمله دى بتقف على رجل واحده فمسك النمله وفعصها وقاله ايه ده يا عمو انا مش قولتيلك من 10 سنين ان دى نمله
واحد رخم دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم وما معاه صرافة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذ الباقي، فاخرج الرخم قرش من جيبه ورماه فوق ال( 12) قرش وقال للجرسون كمان واحد فول
مره واحد ندل فتح مصنع بيبسى وكتب على كل ازازه (رج جيدا قبل الفتح)
تهنئة محشش: بمناسبة عيد الام المبارك أهنئكم برمضان جعله الله عليكم زواجا سعيدا وكريسمس خير وكل عام وانتم بخير بمناسبة السنة الجاية مع تحيات جمعية مرضى الزهايمر
مرة ثلاث مساطيل راكبين عربية ففجأة العربية وقفت فواحد قال للتانى :"انزل شوف العربية مالها" فنزل مطلعش فنزل التانى يشوفه مطلعش فنزل الثالث قال لهم :"فيه إيه ؟؟" فقالوا له :"هسسسسس العجلة نايمة"
مرة واحد مسطول ماشي قدام مزرعه لقى مكتوب عليها من بره ((مزرعة عجول)) دخل للبواب وقاله "يا عم انت بتزرعوا العجول ازااااي ؟" البواب شافه مسطول قال اراضيه بكلمه علشان يمشي قاله "احنا بنرمي السكر على الارض وتاني يوم بتطلع العجول." روح المسطول البيت ورمى سكر على الارض تاني يوم لقى النمل كتييييييير على الارض قلهم "يا حلاوة العجول وهي صغيرة"
لغز محشش: قطار يمشي 160 كلم في الساعة فكم عصفور عالشجرة لو كان الببسي ب75 قرش؟
مسطول بيقول لصاحبه : أهم خمس حاجات في الدنيا ...تلاتة .... الميه و الهوا
واحد مسطول
اشتغل سواق تاكسي، شاورتله واحده، وقف وسألها "رايحه فين؟" قالتله "المهندسين" قالها "روحي بس ما تتأخريش"
مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبت
مره اتنين مساطيل مشين فلقوا واحد مرمى على الارض فالمسطول الاول بيقول للمسطول التانى مش ده طارق قال له اه قاله مش ده بيته قاله اه قاله طب بينا نطلعه قاله ماشى فالاول بيقول للتانى مش دى شقته قاله اه قاله مش دى أوضته قاله اه قاله طيب ارمى وبعدين نزلوا تانى فلقوه برده مرمى فالاول قال للتانى مش ده طارق قاله اه قاله مش احنا طلعنا قاله اه قاله طب بينا نطلعه قال له بينا فسالوا البواب مش ده طارق قال لهم اه فخدوه معاهم البواب فقالوا مش دى شقته قالهم اه مش دى أوضته قال لهم لا دى البالكونه
مرة واحد غبى اوى ومسطول فى نفس الوقت كان شايل مسامير فى ايدة المهم وهو ماشى مسمار وقع من ايدة وبقيت المسامير اللى فى ايدة لسه فى ايدة المهم قال للمسار اطلع يا مسمار مرديش راح فتح ايدة وقال للمسامير انزلوا جيبوه
اتنين مساطيل واحد بيقول للتاني هو يوم الخميس هيوافق 30 أغسطس التاني رد عليه والله لو دست عليه هيوافق
موضوع: نكت من قلب الشارع المصرى 
19/9/2008, 3:22 pm
